حررتي النسوان ياأمينه
==============
 
     بيقولوا عليكي  خلاص
    حررتي النسوان ياأمينه
    فرح الشيطان الوسواس
     شيطانه لقاها ف وسطينا
 
  حاجه مايوصفهاش إحساس
 ولا مرت على ناس قبلينا
  وقفوا الستات كاشفين الراس
  وبجينز وقالم صلينا
  ماكانوش رجاله كانوا نصاص
   ودقونهم كانت للزينه
  آل يعني حقوق المره كملت مابقاش
 غير إنك تيجي تأمينا
  بيقولوا عليكي  خلاص
 حررتي النسوان ياأمينه
 
  حرية إيه اللي فهمتيها
  والفتوى منين جبتيها
  ولا أنت كمان راح تفتينا؟
 
  آه يابنت الإيه ياخبيثه
  ماحلتش صلاة الجمعه غير ف كنيسه
  مكاره صحيح ولئيمه
  بس الحركادي قديمه
  بكره هاتطلعي في السيما
 وهاتتألف روايات
  وهاتاخدي جوايز وميداليات
 ويقولوا عليكي إمامه
  وإنتي ف الأصل لمامه
  ولا عمرك هاتهمينا
  بيقولوا عليكي  خلاص
  حررتي النسوان ياأمينه
 
  والله خساره الاسم ده فيكي
  وخساره نضيع وقت عليكي
  أصل إنت ياإما غبيه
  ياتكوني بتستغبينا
   إزاي تبقى الحريه
  غير شرع الله ونبينا
 جبتيها منين ياوليه
  ودليلك إيه جاوبينا
  بيقولوا عليكي  خلاص
  حررتي النسوان ياأمينه
  فرح الشيطان الوسواس
  شيطانه لقاها ف وسطينا

 

أضف تعليق

أقراء الأراء الأخرى

الصفحه الرائيسيه

حـاسـِس بـيـك