عمر الراوي

واحد وراه كنيسه

والتاني خلفه جامع

حملة دعايه رخيصه

شايفينها ف الشوارع

واللي نفسه حريصه

عارف إيه التوابع

ده الحِسبه مش عويصه

وآهي باينه الدوافع

مين فيهم بيعادينا

ومين عنا يدافع

مين مد إيده لينا

ومين لحقوقنا بايع

واللي بيسأل علينا

صوتنا يخليه يتابع

والأمر ياناس بإدينا

وأديني بأقولها ياسامع

فيه مسلم زيي وزيك

خارج من بينا وطالع

يتكلم بِِسْمِي و بِِسْمَك

ولنفسُه مافيش مطامع

وإن تَهت ف مره يدلك

ويقولك إيه النافع

وإن تزعل منه يسامحك

ولنفسه تملي يراجع

ونجاحه ف صالحي وصالحك

ده لراية دينا آهو رافع

وأنا أَوِل وَاحد وَعْدُه

وخلاص قررت وناوي

من تاني هاروح أنتخبه

وأكتب بِأْديه الراوي

كونوا يالا معاه وإتحدوا

وبصوتي وصوتكوا نساعده

وهاندعي تِعلا مراكبُه

علشان الجيل الطالِع

الشاعر : عصام علم الدين

 

أضف تعليق

أقراء الأراء الأخرى

الصفحه الرائيسيه

حـاسـِس بـيـك