فِـتـيَـه وآمنوا بِرَبُهُم

كل اللي شافهم حَبهُم

مجموعه من زينة الشباب

إسلام بينبض قلبهم

على منهج خَير كِتاب

إختاروا يبقىَ سعيهُم

وبدون أجر ولا حساب

باين تَمَليِ جهدُهم

فيارب بارِك وَقتهَم

ويارب عَظَم أجرُهُم

فِـتـيَـه وآمنوا بِرَبُهُم

خلوني فَكرت في شبابي

ضاعت أيامه قوام قدامي

ولا عِشتوش

لو كانوا يومها دول صحابي

كنت أمشي طَريقهُم

ولا إسيبهوش

خدوا بالهم بدري

عملوا الصح ـ ـ

 وماغلطوش

وأنا أحسب عمري

جمع وطرح ـ ـ

ونتيجتُه ألاقيها فاشوش

كان نفسي أبقى زيهُم

فِـتـيَـه وآمنوا بِرَبُهُم

فيارب بارك في الصُغَير

والكِبِير

وأجعَل عَدَدهُم كُل يوم

بيزيد كتير

بإديهم حالنا هايتغير

ويعود عَ الأمه الخير

وهاتيجي الشمس تِنَوَر

من بعد سنين تأخير

ويكونوا بلاغ للدين

بلسان واحد وإتنين

ويأدوا واجبهُم عارفين

حقنا وحقوقهُم فين

فيارب ياشافي ـ ياعَافي

ياكريم ورحيم ـ مَنَان

دَعيناك م القلب الصافي

يرجع كَمَا كَان رَيــــَان

ونشُوفوا ماشي وسطُهُم

فِـتـيَـه وآمنوا بِرَبُهُم

عصام علم الدين
 

 

أضف تعليق

أقراء الأراء الأخرى

الصفحه الرائيسيه

حـاسـِس بـيـك