|
إيمان حجو
®
""""""""""""
ماتت إيمان حجو
ماتت رضيعه
يدوب أيامها يتعدوا
ماتت ولسه طعم الحليب
على شفتينها
زي الخيط الحرير
ملمس إيدينها
زهره رقيقه
لا ف يوم مسكت حجر
ولا هتفت ف المظاهره
كانت زي القمر
ملامحها بريئه طاهره
بس برضه ماتت
وليه ماتت ؟
سؤال والظلم كان رده
ماتت إيمان حجو
ماتت إيمان
مات الحلم الجميل
وماتت كل حاجه حلوه
مابقاش غير ليل طويل
ومشاعر حزن مره
ودموع مابتنتهيش
وإحساس بالهوان
ماتت إيمان
ماتت وكان من حقها
ينطق بكلمه فمها
تمسك عروسه بيدها
تعمل ضفيره ف شعرها
ويوم العيد ترتدي فستان
ماتت إيمان
سكن القلب الضعيف
بطل يضخ الدم
ف الجسد النحيف
عود الزرع الوليد
خطفوا منا الخريف
واحنا ولا داريين
سامحينا يافلسطين
سامحينا
شايفه عنينا
بس الإيدين عاجزين
سامعينك بتنادينا
ونقول ياريت قادرين
نصرخ صرخة غضب
نرفع تاني الجبين
ياخساره ياعرب
ياخساره يامسلمين
الأرض بتغتصب
والأرض عرض
دين
ولإمتى صامتين
ديه إيمان ماتت رضيعه
ماتت ولسه طعم الحليب
على شفتينها
زي الخيط الحرير
ملمس إيدينها
ماتت إيمان
ماتت إيمان
ماتت إيمان
|
|
الشاعر : عصام علم الدين
""""""""""""""
قصائد أخرى للشاعر
أسمع يابوش
القدس أرض المسلمين
مش إرهابى
الشيخ ياسين
أبى
أيمان حجو
عائدون
باردون يا فرنسا
فلسطينى يا طوب الأرض
يوم العيد
جميله القدس
حررتي النسوان ياأمينه
عمر الراوي
شهر رحمه ـ أولُه
إلي ريــــــان ورفـــاقـــه
مصر التى فى خاطرى
ولاد مصر
يـارايـح عند النبي
التغيير محتاج لبدايه
ياما كتير عَ الجِسر
عارِف ياأمَه مقامِك
الأستاذ فـَتـح الله
خـَمـسـَه يـونـيـَه الـحـَزيـن
صرخت هدى .. فمن سمع صراخها
حـاسـِس بـيـك
قــَـــاوم
|
R
