لاجئون

والخيام بارده وكئيبه

نفس إحساس السجون

مبعدون

عن ديارك

ياحبيبه

ياللي ساكنه

ف العيون

عمره ماهايرخص مقامك

عمره يوم مايهون ترابك

واحنا حاسين باغترابك

وعد مايطولش إنتظارك

يافلسطين

عائدون    عائدون

ده لا بادينا كان

ولا رضينا

ولا أخترنا

يطول البعد

بينا زمان

وتبقى الغربه

يوم دارنا

لكن الغربه

مهما تطول

مصيرها ف يوم

وهاتعدي

ونرجع تاني

يابلدي

بلدي

ياصوت الفم

ياصمت الكلام

ياإبتسامه بتتسرق

من شفايف طفل

يادمعه سالت

من عيون الأم

يانهر الدم

بلدي

ياوطن السلام

وحشتينا وحشتينا

وزاد الشوق

وحنينا

بنحلم كل يوم

بيكي

نسافر بالخيال

ليكي

وخطوه بخطوه

نوصلك

ونتقابل على أرضك

يتلم تاني الشمل

من بعد الشتات

دافي ياحضن الأهل

عمر إل بينا مامات

ولا عمر الديار

هانت

ولا الأحلام ف يوم

تاهت

وعودتنا طريق مرسوم

ولا غيرك وطن هايكون

يا فلسطين

عائدون   عائدون

 

أضف تعليق

أقراء الأراء الأخرى

الصفحه الرائيسيه

حـاسـِس بـيـك