باردون يافرنسا

إكس كيوز موا

مسيو شيراك

وياشيخ فصلت الفتوى

الله لا يسامحك على فتواك

ويازاينه حجابك

مين ف مقامك

مين زيك

ياعفيفه وطاهره

ياأجمل زهره

وكأنك فوق الأرض

ملاك

إوعي يهزوكي الناس الجهله

أصحاب العبارات السهله

والمصطلحات الرنانه

خليكي ياحوا إنسانه

مش سلعه  ومين يدفع أكتر

ومافيش ولا مله ولا ديانه 

يوم فيه مقامك كان أكبر

وحقوق ماينولهاشي سواكي

لو أمي مااخشش جنه

من قبل ماانوله رضاكي

لو أختي فريضه وسنه

ماازعلش ف يوم وياكي

وان كنت مراتي أصونك

ماتروحشي العين لبدالك

لو بنتي وبكيوا عيونك

ماابانامشي الليل علشانك

شفتي إزاي غالي مقامك

ده كأن حجابك

تاجك فوق راسك

ده كأن حجابك نور قنديل

بينور لينا ف عتمة ليل

نتباهى بشدة إخلاصك

من تاني يحركنا حماسك

ويخلي ضماير غافله تفوق

ينطلق الصوت المخنوق

إزاي مانطيعش الخالق

ونطيع واحد مخلوق

إزاي ونبينا الصادق

الوحي أتاه من فوق

قرآن ف طريقنا بيهدينا

بيقول إيه لينا وماعلينا

ولفين رايحين ومنين جينا

وإن الإنسان ميه وطينه

ومافيش غيرواحد رب

نعبده ف الظاهرجوه القلب

وف كل الدنيا شرق وغرب

وحجابك فوق راسك زينه

وحجابك زي الصلاه والصوم

وإن كان فيه قدره وحجينا

خليكي قويه آهو جالك يوم

تبقي إنت بدايه تصحينا 

وندوس ع الخوف اللي مالينا

 نتذكر لو كنا نسينا

نمسك من تاني

ف إيد بعضينا

أمة إسلام فخر وعزه

مش بس كلام من هنا وهناك

يارسول الله وعد ماننسى

وأملنا نكون ف الجنه معاك

يعني باردون يافرنسا

إكس كيوز موا

 مسيو شيراك

وياشيخ فصلت الفتوى

الله لا يسامحك

على فتواك

 

أضف تعليق

أقراء الأراء الأخرى

الصفحه الرائيسيه

حـاسـِس بـيـك