|
الاول قالوا الجمعه
بعدين قالوا الخميس
قلت نعيد بسرعه
لايقولوا خلاص مافيش
او اروح ادبح مالاقيش
الله يجازيه بالخير
طمني اخونا رسلان
قالي كتيره الخرفان
وان كان لك رغبه
وعايز تاكل طير
احسن تيجي الدكان
انا قلت الحمد لله
كان فيه مشكله واتحلت
وخروف العيد لقيناه
انما فيه لسه سؤال
ايه اخبار الهلال؟
فيه ناس بتقول شفناه
وفي ناس بتقول ده خيال
بقى ده اسمه كلام يتقال؟
ولامتى على ده الحال؟
ده مافيش ولا عيد بيفوت
من غير ماتكون خلافات
حتى وقفة عرفات
مالها ياناس الحسابات؟
واشمعنى الصلاه من غير هلالات؟
طب ليه لابسين ف ايدينا ساعات؟
جمعنا يارب العيد الآت
وان كان لنا عمر
وكان متقدر لينا نعيش
يتوحد بينا الامر
وتكون واحده الاحاسيس
الاول قالوا الجمعه
بعدين قالوا الخميس
قلت نعيد بسرعه
لايقولوا خلاص مافيش
|
|
الشاعر : عصام علم الدين
""""""""""""""
قصائد أخرى للشاعر
أسمع يابوش
القدس أرض المسلمين
مش إرهابى
الشيخ ياسين
أبى
أيمان حجو
عائدون
باردون يا فرنسا
فلسطينى يا طوب الأرض
يوم العيد
جميله القدس
حررتي النسوان ياأمينه
عمر الراوي
شهر رحمه ـ أولُه
إلي ريــــــان ورفـــاقـــه
مصر التى فى خاطرى
ولاد مصر
يـارايـح عند النبي
التغيير محتاج لبدايه
ياما كتير عَ الجِسر
عارِف ياأمَه مقامِك
الأستاذ فـَتـح الله
خـَمـسـَه يـونـيـَه الـحـَزيـن
صرخت هدى .. فمن سمع صراخها
حـاسـِس بـيـك
قــَـــاوم
|
R
