بكره هاتنطق ياحجر

 وتشهد

 حق مين الأرض

بالدم نرويك ياشجر

 مصيرك

 لينا عون ف اليد

وانا يابكره مطمن

أنا يابكره  مش خايف

كلام الحق مدون

 وإمتى الحق يوم خالف

وبعد الليل  ضروري فجر

وقد الويل يكون الأجر

وأجرك ياشهيد جنه

ودمك ف التراب حنه

عروستك بيها تتحنى

نقول يارب عقبالنا

جميله القدس

وكان عرس الشهيد موكب

وكانت أمه تستعجب

   تزغرد والعيون سارحه

صغير ياولدي ع الفرحه

صغير ياولدي تتركني

صحيح القلب فرحان لك

لكن ساعة الفراق جارحه

تزغرد والعيون سارحه

صغير ياولدي ع الفرحه

تقرب منه بخيالها

تحسه قريب ف أحضانها

وتسمع صوته ب ودانها

يا أمي إحكيلي عن بلدي

تقوله جميله ياولدي

أنا ياأمي بااهواها

تقوله ياولدي محلاها

جميله القدس

هنا ياولدي عاش جدك

وصلى كتير ف بيت ربك

هنا المسجد الأقصى

مجاور قبة الصخره

إليه هادي البشر أسرى

عرفت القدس ليه ساحره

عرفت القدس كيف غاليه

حجارة أرضها صالحه

وانا ف إيدي حجر منها

أنا حاسه بأحزانها

ف عينك دمع ياأمي

بكيتى والدموع طاهره

سامحني ياولدي مش قادره

دموع فرحي وانا صابره

مآمنه إن فيه بكره

بكره هاتنطق ياحجر

 وتشهد

حق مين الأرض

بالدم نرويك ياشجر

 مصيرك

 لينا عون ف اليد

الشاعر عصام علم الدين

 

أضف تعليق

أقراء الأراء الأخرى

الصفحه الرائيسيه

حـاسـِس بـيـك