شبكة رمضان الإخبارية شبكة إخبارية تهتم بشئون الجالية العربية فى النمسا ودول الجوار
نشرت صفحة “آسف ياريس”، تسجيلًا صوتيًا للرئيس الأسبق محمد حسنى مبارك، يقول فيه: إنه كان يقف بالمرصاد لبناء سد النهضة, وأنه لم يستطع أحد الاقتراب من بنائه إلا عندما تنحى فى إبريل 2011, وأنه كان يستطيع ضربه والقضاء عليه بطائرة واحدة فقط, لكن مصر الآن لا تستطيع، لأنها أصبحت مستهانة فى عيون العالم.
وقال “مبارك” فى التسجيل الصوتي، “ما جرؤوش يفتحوا بقهم معايا عملوا اتفاقية عنتيبى روحت لاقف على الثلاث دول عشان ما يمضوش فتقف فوقفت, الدول اللى أنا اتفقت معاها ما تمضيش مضت وجنوب السودان مضت كلمت رواندا وبروندى وأوغندا الثلاث دول قالوا مش هنمضي” .
وأضاف “راح لهم أبو الغار كان معاه وفد شعبى قعدوا الإثيوبيين يخبطوا فيا جامد ومعاهم المصريين بيشتموا شوف الوقاحة قام أبو الغار قال لهم أنتوا بتشتموا مبارك ليه؟ قال فى مدة حكمه مقدرناش نفكر فى السد ده خالص، كان مانعنا وكنا خايفين منه”.
وتابع عن إعداداته قائلاً: ” كان عندى أيامها طائرة التوبوليف أقدر أضرب السد وأخلص عليه فى طلعة واحدة, إنما دلوقت خلاص مبقاش ينفع هتضرب سد هتقع مع كل الأفارقة “، مضيفًا “هو كان سانده موسيفينى بتاع أوغندا ورواندا وبورندى وكلمت كينيا واتفقت معاهم ما يمضوش على عنتيبى ما كانوش بيجيبولى سيرة السد ده سكتوا لما لاقونى كاشش فيهم سكتوا” .
وعن حال البلد تابع قائلاً: “أول ما مشيت تنحيت جم فى إبريل 2011 ابتدوا على طول قالك دول مضروبين ولا حد ها يقولنا بتعملوا إيه وخلاص انتهى وحياتك وها يبنوه”.
وأضاف مبارك، “العالم كله مستهيفنا دلوقتى العالم كله عرف إن احنا بلد ضعيف جدًا مع إن كان لنا قيمة كبيرة جدًا فى العالم”.
