1020C454FEBC5F6C3C48280AF3870CE3

فاطمة شقيقة أحمد السقا ترد على الفنانة مها أحمد: المرأة دى وحشة

ردت فاطمة السقا شقيقة الفنان أحمد السقا على منشور الفنانة مها أحمد الأخير والذي هاجمت فيه نجمين كبيرين شاركا في دراما رمضان لهذا العام، وعلى الرغم من عدم ذكر أسماء النجمين إلا أن الجمهور أعتقد أنها توجه الحديث لكل من أحمد السقا وأمير كرارة.

قالت فاطمة السقا من خلال صفحتها على موقع التواصل الاجتماعي Facebook “الكلام ده موجه ليكي يا أستاذة، بدل ما تفضلي تمسحي ردي كل شوية.. أبهرتيني يا مها بأخلاقك العالية، وبأنك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه (ندل) اللى هو أحمد السقا.. بس أنا باقولك قدام الناس، قطع لسان أى حد يقول عليه كده لأنه راجل أكرمك ووقف جنبك أنت ومجدى بدل المرة ألف”.

وأضافت قائلة “وأمير كرارة برضو راجل جدع ومحترم للى ما يعرفهوش فى البوست بتاعك ده.. معرفش إيه الفرص اللى كانت عندك اللى كان يتمنى يشتغل معاكى فيها زمان، بس هو أى حد يتمنى يشتغل معاه دلوقتى أكيد.. وكلمة الدور بينادي صاحبه دى بتاعة أفلام.. ما بتتقالش فى الحقيقة.. كفايا دراما وتشويه للناس”

تابعت السقا حديثها قائلة “وبعدين هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج، الحقيقة أنا مش عارفة أنت عايزة إيه.. أنا مش شايفة بعد العشرة الطويلة اللى أنت قولتى عليها غير كمية الحقد والسواد والشماتة اللى كانوا متداريين ورا ابتسامة كدابة، معرفش أنت إزاى كنتى بتدخلى بيوتنا الصراحة وأنت ست وحشة كده”.

واختتمت كلامها قائلة “نسيت أقولك السب والتطاول ده بيدل على الأصل.. وإحنا بقى ولاد ناس، مع أننا عندنا كلام كتير أوى يتقال”.

 

شاهد أيضاً

قريباّ فى سمائنا طائرة خارقة تحلق 20 شهراً دون توقف أو التزود بالوقود

من المتوقع أن ترى طائرة بدون طيار بمواصفات خارقة النور خلال سنوات قليلة، بعد أن بدأ …

%d مدونون معجبون بهذه: