شقيقة محمد حلاوة ترد على تعليقات ياسمين عبدالعزيز: خرجناكي من حياتنا

خرجت لمياء حلاوة، شقيقة رجل الأعمال محمد حلاوة، وزوج الفنانة ريهام حجاج؛ لترد على ما نشرته الفنانة ياسمين عبدالعزيز عبر صفحتها الرسمية على موقع «فيسبوك»، تعليقًا على لقاء ريهام حجاج مع الإعلامية بوسب شلبي والذى تحدثت خلاله عن كواليس زواجها، ووصفته بالتجاوزات.

ونشر رجل الأعمال محمد حلاوة، فيديو عبر حسابه الرسمي على موقع «انستجرام»، فيديو لشقيقته لمياء، قالت فيه: «الحقيقة أنا شفت برنامج ريهام صاحبتي وأختي وزوجة أخويا، أنا فرحانة جدًا بيه، خاصة إنها قالت كلام محترم وكلام من قلبها، الحاجة اللي ضايقتني وأزعجتني جدا، ودي حاجة عائلية، إن أنا فوجئت بكلام بيتقال من كم ساعة.. زي حرابيق.. وكلام ميتصحش يتقال.. يا جماعة إحنا بقالنا 3 سنين بنتحارب ونتهاجم.. وبيتقال علينا كلام غلط وإحنا ما بنردش عشان مصلحة ولادنا.. عشان ده اللي اتعلمناه في الدنيا إننا نخاف على ولادنا».

وتابعت: «بس الظاهر إن فيه ناس تانية مش فارق معاها الكلام ده.. إحنا خلاص خرجناكي من حياتنا وقفلنا صفحتك.. مش بس كدا مابنفتكركيش.. وعايزينك أنتِ كمان تركزي في صفحتك وتنسينا.. وحاولي إن أنتِ تكوني سعيدة.. لإن إحنا بقينا سعداء وإحنا بعيد عنك.. يا رب يكون الكلام ده وصلك.. لأن أنتِ بكدا بتبوظي الصفحة الجديدة بتاعتك كمان».

 

شاهد أيضاً

كارل نيهمر مستشار النمسا الجديد مكافحة كورونا فى مقدمة أولويات الحكومة

أكد كارل نيهمر مستشار النمسا الجديد أن أبرز أولويات عمله على رأس الحكومة النمساوية هي …

%d مدونون معجبون بهذه: