1020C454FEBC5F6C3C48280AF3870CE3
الأربعاء , 23 يونيو 2021

أول رد من الفنانة ياسمين عبد العزيز بعد هجوم شقيقها المسيء ضدها

خرج الفنان أحمد العوضي عن صمته واعترف بحبه للفنانة ياسمين عبد العزيز بعد الهجوم الشديد الذي شنه شقيقها وائل عبد العزيز.

وكتب “العوضي” عبر حسابه بـ”انستجرامط : “بحبك يا ياسمين” .

لكن المفاجأة جاءت من ياسمين عبد العزيز التي وضعت إعجابا على تدوينة العوضي ، في إشارة لا تخطئها العين.

و شن وائل عبد العزيز – شقيق الفنانة ياسمين عبد العزيز – هجوما شرسا على أخته بعد ما تردد عن علاقتها بالفنان أحمد العوضي.

وقال “عبد العزيز” في تدوينة عبر حسابه بـ”فيس بوك” : “بصي يا ياسمين يا عبدالعزيز يا أختي.. أنا معاكي وفي ضهرك من وانتي صغيرة، شيلت مشاكل كتيًر بسببك، من وانتي عيلة صغيرة، بداية من مشاكلك مع الشاعر، وبرادة وانتي عارفة، إن أنا اتاذيت فيها إزاي، وقضية الشغالات مؤخرًا، غير قضية الضرب اللي كانت بينك وبين بنت هشام سليم الممثلة اللي لبستيها التورتة في وشها”.

وأضاف: “وقفت جمبك بكل ما أملك من قوة أدافع عنك في كل موقف صعب مر عليكي، ونسيت حياتي، ونفسي عشانك وبقي كل همي أنا ووالدتك، إنك تكبري وتبقي نجمة في مجالك، سيبنالك اختياراتك كلها لنفسك، ووفقنالك على معظم قراراتك، وكنت الوحيد اللي ساندتك، ووقفت جنبك في طلاقك”.

وأردف: “أنا هتكلم على الشق اللي يخصني.. انتي مقاطعة كل العيلة عشان تعملي اللي على مزاجك.. احنا دلوقتي عايزين نفهم العلاقة دي ايه ورايحة على فين .. أما بالنسبة للأخ اللي ماشي وراكي في كل حتة، وشايفك البيضة الدهب الي هتفقسله كل يوم، أحب أقولك يا راجل لما تيجي تدخل بيت، تدخله من بابه يا راجل! وتقعد مع رجاله البيت!.. دي الأصول وده الاحترام”.

واختتم: “طبعا لأنك عارف إنك مرفوض رفضا باتا، فعمرك ما هتعمل ده، ومعندكش غير طريق الشمال، اللي أنت سالكه من سنين مع بنات الناس.. أنا من رأيي كفاية عليك البطولة الي أخدتها، والعربية المرسيدس الهدية.. وتركز في شغلك وتسيبنا في حالنا، لأن طول عمرنا في حالنا، ومحدش سامع عننا حاجة، وملوش لازمة جو الصور والمعاكسات ده، وأنا مبخفش من تهديد حد”.

شاهد أيضاً

أبرز محطات حياة عبدالحليم حافظ – أجرى 61 عملية جراحية – ونعشه حُمل فارغاً

“صافيني مرّة، على قدّ الشوق، جبّار، وزوروني كل سنة مَرّة”، من منّا لم يسهر أياماً …

%d مدونون معجبون بهذه: