الثلاثاء , 7 ديسمبر 2021

بالفيديو.. سائق ميكروباص تحرش بطالبة في التجمع الخامس ففضحته صوت وصورة

دونت طالبة تدعي “رانيا سليمان” علي موقع التواصل الاجتماعي “فيس بوك” واقعة تعرضها لتحرش جنسي داخل سيارة ميكروباص، وشرحت “رانيا” كافة تفاصيل واقعة تعرضها للتحرش علي عبر تدوينها بوست علي موقع التواصل، وأكدت انها قامت بتحرير محضر له في قسم التجمع الخامس بمديرية أمن القاهرة.

وقالت “رانيا”: “أنا حرفياً بكتب البوست ده وانا منهارة ومكنتش متخيله أن ممكن في يوم انزل بوست زي ده مش عارفه أوصفلكم إحساس الخوف والتعب النفسي والجسدي ال أنا فيه انا مرضتش انزل الفيديو عشان نفسيتي أنا كفايه انه ف تلفوني وكل مبشوفه بنهار”.

وأوضحت “أنا كنت راكبه التجمع من موقف الحصري مكنش فيه غير مكانين جنب السواق وانا ركبت وبنت جنبي وفي نص الطريق حاسه بحاجه ع رجلي وانا مش عاوزه اعمل شوشره عشان مظلموش فتراجعت للخلف نفسي وهو مصمم برضو لحد ما قررت اطلع تلفوني واصوره ع الاقل اخد حقي قانوني ايده كانت مش ثابته وكان عمال يديني في جنبي هو طبعا مش بيديني ف جنبي هو عاوز يلمس اي حته وخلاص صورت اللي صورته وخوفت، الفون عند وشه ولما كله نزل قولت هنزل، لسه باخذ شنطتي لاحظ ان الكاميرا مفتوحه شد ايدي ومرضيش ان انزل يقولي خدي تعالي معايا يا تيجي معايا يتتجيبي التلفون فضلت أقاوم ونطيت من العربيه وأول ما نزلت صورته وصورت العربية”.

وتابعت “الحمد لله اني لحقت لأنه جري، هعمل محضر وهاخد حقي قانوني وحسبي الله ونعم الوكيل انا حرفيا صوتي بقاله يومين مش طالع ومكنتش قادره ان أصوت للأسف انا مش هقول غير كل بنت تاخد حقها انا هعمل محضر وهاخد حقي ان شاء الله، لازم نحارب أن كله يخاف يأذي اي بنت متركبوش العربيه دي”.

وتواصلت “البوابة نيوز” مع الطالبة والتي أكدت بأنها قامت بتحرير محضر في قسم شرطة التجمع الخامس، واستغاثت “رانيا سليمان” بالأجهزة الأمنية بمديرية أمن القاهرة لسرعة ضبط المتهم الذي تحرش بها قائلة “أنا عاوزة حقي”.

وكالات

شاهد أيضاً

الخارجية النمساوية – قمة بوتين بايدن جاءت بوقتها في ظل الوضع المقلق في أوكرانيا

اعتبرت وزارة الخارجية النمساوية قمة الرئيسين الروسي فلاديمير بوتين ونظيره الأمريكي جو بايدن أنها تحظى …

%d مدونون معجبون بهذه: